Precautionary measures taken at Fatimiyah Community Center amid COVID-19 pandemic

مملکت پاکستان میں تیزی سے پھیلنے والے کورونا وائرس کو مدنظر رکھتے ہوئے خوجہ (پیرائی) شیعہ اثناء عشری جماعت نے اپنے ممبران، غسل خانہ کے رضاکاروں اور اسٹاف کی حفاظت کے لئے فاطیمیہ کمیونٹی سنٹر (غسل خانہ) میں مندرجہ ذیل احتیاطی اقدامات کیے ہیں۔

  • غسل خانہ میں خواتین کو مرحوم یا مرحومہ کے لئے قرآن مجید اور دعا کی تلاوت کی اجازت نہیں ہوگی۔ قریبی رشتہ دار خواتین مرحوم یا مرحومہ کا چہرہ دیکھ کر فوراً غسل خانے سے باہر نکل جائیں گی۔
  • صرف مرحوم یا مرحومہ کے قریبی مرد رشتہ دار ہی نماز جنازہ تک انتظار کرسکتے ہیں۔ دیگر رشتہ داروں اور دوستوں سے گزارش ہے کہ تعزیت کے لئے غسل خانہ تشریف نہ لائیں۔
  • رشتہ دار اور دوست احباب سے درخواست ہے کہ نماز جنازہ میں شرکت کر کے مرحوم یا مرحومہ کے اہل خانہ سے تعزیت کریں۔ فاطیمیہ کمیونٹی سنٹر (غسل خانہ) میں بھاتی کی اجازت نہیں ہوگی۔
  • اگر کسی کا انتقال کرونا وائرس سے ہوا ہو تو اس صورت میں مرحوم یا مرحومہ کے خونی رشتہ داروں کے علاؤہ کسی کو بھی غسل خانے میں داخلہ کی اجازت نہیں ہوگی۔
  • کرونا وائرس سے متاثرہ میت کو غسل و کفن مراجعین کے فتوے کے مطابق دیا جائیگا۔ اسی طرح تدفین بھی مراجعین کے فتوے کے مطابق کی جائے گی۔ منیجمنٹ اس سلسلہ میں مرد و خواتین والنٹرز (غسال) کی عالم دین اور ڈاکٹر کے ساتھ ٹرینیگ کلاس کروا چکی ہے۔
  • مینجمنٹ نے مرد اور خواتین غسل و کفن کی خدمات دینے والے رضاکاروں، غسل خانے کے اسٹاف اور قبرستان کے عملے کی حفاظت کے لئے تمام ممکنہ احتیاطی اقدامات کرنے کی کوشش کی ہے۔
  • نزلہ، زکام، کھانسی، فلو اور بخار میں مبتلا افراد سے اپیل کی جاتی ہے کہ وہ اپنے لواحقین اور دوستوں کی آخری رسومات میں شرکت نہ کریں۔
    ساٹھ (60) سال سے زیادہ عمر کے لوگوں کو بھی مشورہ دیا جاتا ہے کہ وہ کسی بھی نوعیت کے اجتماع میں شرکت سے اجتناب کریں۔

ممبران سے گزارش ہے کہ وہ مینجمنٹ اور غسل خانہ رضاکاروں اور عملے کے ساتھ مکمل تعاون کریں۔

کورونا وائرس ہماری زندگی اور صحت کا دشمن ہے اور ہم ممبران کے اتحاد اور تعاون سے ہی اس بحران کو شکست دے سکتے ہیں ۔
اللہ سبحانہ و تعالٰی بحقِ 14 معصومین (ع) ہمیں ہر قسم کی وبائی بیماریوں اور آفات سے محفوظ رکھے اور ہمیں اپنی معاشرتی اور انفرادی ذمہ داریوں کو ادا کرنے کی توفیق عطا فرمائے۔ آمین۔